أمتي قناة السويس هترجع بكل طاقتها الملاحية وايه المفاجأة اللي أعلن عنها رئيس الهيئة.. وهل فعلا حركة الملاحة بدأت ترجع لمعدلاتها في القناة وايه اللي هيحصل في سوق الصرف لو رجعت الإيرادات الضخمة.
قناة السويس من أهم مصادر الدخل القومي لمصر ومصدر أساسي من مصادر الدولار والعملة الصعبة للدولة وفي عهد الرئيس السيسي حصل تطوير كبير والقناة بقت اتنين والسفن رايح جاي ومفيش انتظار واتعمل جمب الملاحة خدمات تانية كتير زي تموين السفن وبناء المنطقة الاقتصادية المجاورة لقناة السويس واللي جذبت مليارات الدولارات لغاية دلوقتى.. يعني قناة السويس مبقتش مجرد ممر لعبور السفن لكن بقت كيان اقتصادي متكامل ومتنامي وبيحذب استثمارات ضخمة..
وقفزت إيرادات قناة السويس بعد مشروعات التطوير الكبيرة وحققت أعلى ايرادات سنوية في تاريخها في موسم 2023 بحوالي 9.4 مليار دولار والرقم كان هيزيد في السنة اللي بعدها لكن للاسف حصلت انتكاسة في الإيرادات لظروف خارجة عن الإرادة وهي الهجمات في جنوب البحر الأحمر على السفن ودا خلي شركات عالمية كتير تغير طريق سفنها لرأس الرجاء الصالح ورغم الخسائر الضخمة اللي بتتعرض ليها نتيجة طول المسافة..
وبالارقام مصر بتخسر 800 مليون دولار في الشهر و7 مليار دولار في السنة بسبب استمرار الأزمات في جنوب البحر الاحمر.. ودا رقم ضخم جدا طبعا وكان ليه تأثير على موارد الدولة وجاي في وقت مصر أزمة حقيقية اتعرضت ليها مصر بعد تصاعد الصراع في الشرق الأوسط..
الجديد في قناة السويس كانت اخبار سارة ودا بعد إعلان رئيس هيئة قناة السويس الفريق أسامة ربيع النهاردة تحقيق تحسن طفيف فى شهر مارس الماضي من العام الجاري بحركة الملاحة بنسبة 8.8% وقال كمان إن البحر الأحمر حاليا أصبح آمن ودي معلومة مهمة جدا لأن أي زيادة في الإيرادات معناها بداية عودة السفن بالتدريج لقناة السويس وإن ثقة شركات النقل العالمية بدأت ترجع تاني المرور الآمن في القناة المصرية؟.
لو شفنا التطورات الأخيرة في اليمن هتعرف أن العودة الكاملة للملاحة في قناة السويس قربا ترجع لطبيعتها ومش كده وبس دا فيه توقعات كمان إن الملاحة هتحقق أرقام قياسية بعد انتهاء الأزمة في جنوب الممر الملاحي وإن الإيرادات هتكون تاريخية ودا لأن الشركات عاوزة تعوض خسائرها بعد اضطرارها للمرور من طرق بديلة وطويلة بسبب الأحداث.
الفريق أسامة ربيع حسم كمان الجدل وقال إنه مفيش بديل لقناة السويس في العالم وهتفضل الطريق الأقصر مدة والآمن فى العالم كله وأن القناة مش مجرد ممر ملاحي عالميافقط ولكن بتعتبر رمز للسيادة المصرية وقال إن الهيئة واجهت 4 أزمات عالمية منذ عام 2019 وقدرت تخرج منهم بسلام ومفيش بديل قدر يحل محل القناة المصرية..
طبعاً عودة الإيرادات كاملة من قناه السويس هيعزز المعروض النقدي للدولة المصرية وهيساعد في استقرار سوق الصرف وهيمنح الدولة مرونة في ملفات كتير.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
