البنك المركزي خد قرار بخفض اسعار الفايدة لأول مرة في تاريخه.. والقرار ده جاي في وقت صعب.. هل ممكن البنك المركزي يتراجع عن قراره مستقبلا ويرجع يرفع الفايدة.. واية الحاجات اللي علي اساسها البنك المركزي بيحدد اسعار الفايدة.
الفترة الحالية الاقتصاد العالمي بيمر بمرحلة تحولات جذرية كبيرة جدا بسبب الرسوم الجمركية الأمريكية الجديدة والرد الدولي اللي حصل عليها واللي كان اغلبه برفض رسوم جمركية عالمية علي السلع واللي أدت لارتفاع اسعارها في الأسواق، وده هيؤدي الي ارتفاع التضخم العالمي، وبالتالي أغلب البنوك المركزية في العالم كله أعلنت حالته الطؤاري لمتابعة اسعار التضحم العالمية منهم البنك المركزي المصري واللي قرر مؤخرا وفي وقت حرج تخفيض اسعار الفايدة لعائد الإيداع والإقراض لليلة واحدة وسعر العملية الرئيسية بواقع 225 نقطة أساس إلى 25.00% و26.00% و25.50%، على الترتيب، وكمان قرر خفض سعر الائتمان والخصم بواقع 225 نقطة أساس ليصل إلى 25.50%.
طيب اية الاسباب اللي خلت البنك المركزي يخفض اسعار الفايدة في التوقيت ده؟.
المؤشرات الأولية للربع الأول من عام 2025 بتأكد أن النشاط الاقتصادي بدأ مرحلة التعافي ومعدل النمو وصل لأكثر من 4.3% المسجلة في الربع الرابع من عام 2024، وده نتيجة الجهود اللي قامت بيها الحكومة علي مدار الشهور اللي فاتت خصوصا في قطاع الصناعة والصناعات التحويلية غير البترولية والتجارة والسياحة وده بيدعم خطة الدولة لمواصلة الاتجاه النزولي المتوقع للتضخم على المدى القصير.
" title="المعركة الأصعب لصناع السياسة النقدية المركزي هيعمل إيه الفترة الجاية؟" frameborder="0">
البنك المركزي بيتوقع استمرار انخفاض المعدل السنوي للتضخم العام بنحو 9.0 نقطة مئوية في الربع الأول من عام 2025، وبيتوقع كمان ان الانخفاض ده يستمر في الفترة اللي جاية خلال 2025 و 2026 في ولكن بوتيره اقل بسبب الأوضاع والتوترات الأقتصادية العالمية الموجودة دلوقتي واللي سببها الرسوم الجمركية الأمريكية الاخيرة واللي تسببت في وجود أزمة حقيقية في حركة التجارة العالمية واللي متوقع يكون لها تاثير سلبي علي التضخم العالمي واللي متوقع أنه يرتفع بسبب ارتفاع اسعر السلع العالمية بسبب الرسوم الجديدة اللي هتفرض عليها واللي هترفع من سعرها.
البنك المركزي حاليا وبعد قرار تخفيض اسعار الفايدة أكد أنه هيراقب التطورات الاقتصادية والمالية وهيقيم آثارها المحتملة على المؤشرات الاقتصادية، ومش هيتردد في استخدام كل الأدوات المتاحة لتحقيق هدف استقرار الأسعار.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
