إيه اللي بيحصل في محافظات مصر.. وأزاي هتتحول لمناطق لوجستية ضخمة.. وايه تأثير دا على النمو الاقتصادي وتوطين الصناعة والمشروعات في مناطق جديدة.
مصر عايشة حالة نهضة اقتصادية ومالية وتجارية محصلتش في تاريخها كله ودا بعد سنين سابقت فيها الزمن عشان تنجز أكبر وأحدث بنية أساسية في العالم شملت كل القطاعات بداية من الطرق ولغاية المواني واللوجستيات والكهرباء والتشريعات الاقتصادية واللي فتحت الباب للاستثمارات الضخمة وصفقات العيار التقيل والأرقام بتقول إن اقتصاد مصر في طريقه يكون الاقوى في المنطقة خلال سنين قليلة والسابع عالميا بحلول 2075 بشهادة المؤسسات المالية الدولية.
امكانيات مصر الاقتصادية وموقعها الجغرافي والفكر الجديد اللي ماشية بيه بيقول إن فيه نهضة تانية في الطريق هتكون محاورها توطين الصناعة والتوسع في التصدير وتحقيق فوائض مالية اجنبيه كبيرة ودا بفضل البيئة الاستثمارية اللي بقت جاذبة وخلت مصر في صدارة الأسواق الناشئة في استقبال الاستثمارات في كل المجالات.
التدفقات الاستثمارية الخارجية مجتش مصر من فراغ لكن حتى بعد جهود حبارة لبناء اقتصاد قوي وتأسيسه لأول مرة على أسس صحيحة وتخطيط سليم وحوافز كبيرة وغير مسبوقة لاغراء المستثمرين لضخ أموالهم في مشروعات بالسوق المصري.
إيه اخر المشروعات اللي بتم دلوقتي وهتغير شكل الاقتصاد والتجارة في مصر؟
الحكومة شغالة على كل القطاعات الاقتصادية في وقت واحد والحقيقة الأرقام بتقول إن فيه قفزة وطفرة في كل المجالات الفترة الحالية وفي نفس الوقت الحكومة قررت إعادة توزيع خطط التنمية الاقتصادية المستدامة في كل أنحاء الجمهورية وعدم اقتصارها على المناطق المعروفة في العاصمة والمدن الساحلية والمناطق الصناعية التقليدية ودلوقتي فيه مشروع ضخم بتنفذه شركة أمريكية وهي مجموعة فيرن برو جلوبال للاستثمار الأمريكية واللي بتتولى تنفيذ إنشاء مناطق لوجستية كبيرة وضخمة في عدد من المحافظات لتوطين الصناعات والخدمات والشركة الأمريكية دلوقتي بتستعد لافتتاح المرحلة الأولى من المنطقة اللوجيستية بمحافظة كفر الشيخ بحلول مارس 2026 باستثمارات 3 مليارات جنيه.
المنطقة اللوجستية في كفر الشيخ على مساحة 20 فدان وتقع أمام البوابة الرئيسية لجامعة كفر الشيخ وبتضم نادي رياضي ومول تجاري وسلاسل تجارية ومخازن لوجستية واللس تعاقدت مع جهاز تنمية التجارة الداخلية في 2020 ووصلت تكلفة المشروع ل6 مليار جنيه ودا لخلق نشاط اقتصادي جديد في المحافظات..
كمان المجموعة الأمريكية بتدرس دلوقتي إقامة مشروعات مماثلة في محافظات بني سويف وأسيوط ولسه في مرحلة التخطيط وكمان الشركة بتنفذ مشروع مول طنطا ضمن المنطقة اللوجستية في محافظة الغربية خلال النصف الأول من 2026 بتكلفة استثمارية لا تقل عن مليار جنيه وحسب
فيرن برو جلوبال المطور التجاري للمنطقة اللوجستية بالغربية وصلت استثماراتها لغاية دلوقتي 8 مليار جنيه وبتضم مولات تجارية ومراكز لصيانة السيارات ومعارض ومخازن للأدوية ومراكز طبية إلى جانب محطتي كهرباء وصرف صحي مخصصتين للمنطقة.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
