يا ترى هي إزاي السوق الأفريقية هتكون بوابة الانطلاقة للاقتصاد المصري، وإيه هي أكتر الدول اللي مصدر بتصدر لها منتجات وبتفتح أبوابها لينا عشان ننطلق لأسواق أكتر، والفترة الجاية هيكون ايه شكل التعاون؟
في الحقيقة، مصر بتجمعها علاقات ممتازة مع أغلب دول أفريقيا خاصة خلال السنين الأخيرة في عهد الرئيس السيسي، والعلاقات دي اتطورت بشكل كبير على كل المستويات، وبالفعل نجحت الدولة المصرية في استعادة دورها الريادي داخل القارة السمراء وتعزيز العلاقات الثنائية بينها وبين مختلف دولها وبشكل خاص مجموعة دول حوض النيل.
ونقدر نقول، إن مصر حريصة على العودة للدور الريادي في قارة أفريقيا وتعزيز التعاون الثنائي بينها وبين كل دول القارة، خاصة في المجال الاقتصادي، وده بهدف زيادة الاستثمارات المصرية وفتح الأسواق الأفريقية أمام المنتجات المصرية، واستكمال اتفاقية إنشاء منطقة التجارة الحرة القارية.
ضيف على كل ده، إن مصر دلوقتي بتساهم في تطوير البنية التحتية في عدد من الدول الأفريقية، وكمان وقعت شركة مصر للطيران مذكرة تفاهم لتأسيس شركة طيران وطنية غانية باستثمارات مشتركة.
ومن أهم مجالات التعاون دلوقتي، هي البنية التحتية والزراعة والصحة، وده بيعكس التزام مصر بتعزيز التنمية ومواجهة التحديات الأمنية المشتركة بروح التعاون والشراكة.
كمان، الاتفاقيات اللي تمت بين مصر ودول أفريقية في مجال البنية التحتية، زي الربط الكهربائي ومشروعات السكك الحديدية، بيستهدف تعزيز التواصل والتجارة بين الدول الأفريقية.
ولغة الأرقام بتقول، إن الصادرات المصرية لأفريقيا وصلت ل5.6 مليارات دولار خلال سنة 2022 مقارنة بـ 4.7 مليارات دولار في 2021، بزيادة 0.9 مليار دولار، كمان وصلت حجم الواردات المصرية للقارة 1.9 مليار دولار عام 2022، وبرضو سجل حجم التبادل التجاري السلعي بين مصر وأسواق القارة الأفريقية حوالي 2 مليار و117 مليون دولار خلال الربع الأول من سنة 2023.
برضو، سجلت قيمة الصادرات السلعية المصرية للقارة السمراء 1.6 مليار دولار، ووصلت قيمة الواردات المصرية 506 ملايين دولار، وده بيعكء إن في أكبر 5 أسواق مستقبلة للصادرات المصرية، وهي ليبيا بقيمة 317 مليون دولار، والسودان بقيمة 226 مليون دولار.
وكانت أهم القطاعات اللي شكلت هيكل الصادرات المصرية لقارة أفريقيا في 2023، مواد البناء في المقدمة بقيمة 422 مليون دولار والمنتجات الكيماوية والأسمدة بقيمة 358 مليون دولار.
ونقدر نقول كمان إن مصر بتعتبر أكبر مُتلقي للاستثمار الأجنبي المباشر في أفريقيا، وده حصل سنة 2022، كمان ارتفعت الاستثمارات المصرية بأفريقيا عام 2021 بقيمة 1.2 مليار دولار عشات توصل لإجمالي الاستثمارات المصرية فيها ل 10.2 مليارات دولار. بالإضافة إلى أن إجمالي الاستثمارات الأفريقية في مصر بلغت نحو 2.8 مليار دولار.
يعني الخلاصة، إننا نقدر نقول إن في تكامل اقتصادي بيحصل بين مصر ودول أفريقيا، وكمان مصر شريك أساسي في تنمية دول القارة السمراء خلال السنين الأخيرة، وده بيعكس ثقل مصر محليا إقليميا ودوليا.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
