روت الزميلة الصحفية يارا أحمد، تفاصيل مأساوية عن وفاة والدها بعد ساعات قليلة من خضوعه لعملية شفط دهون، محذّرة المواطنين من خطورة هذه العمليات التي قد تتحول إلى "سبب في الموت" حيث وصفتها بأنها “عمليات الموت”.
فتاة تروي تفاصيل مأساوية عن وفاة والدها بسبب عملية شفط دهون
وقالت، في فيديو لها عبر صفحتها على موقع التواصل الاجتماعي فيس بوك: "أبويا مات في أقل من 24 ساعة بعد ما عمل عملية شفط دهون، كان بيشتكي من بطنه اللي كانت مضايقاه رغم أنه كان جميل، لكنه ماكنش قادر يخس لأن الدهون كانت صعبة، وكان بيتكعبل بسببها".
صعوبة في التنفس
وأضافت: "الدكتور قال له تعالى العيادة علشان أغيرلك على الجرح وأديك الكورس الثاني، ورغم تعبه راح، وقعد ساعات في العيادة. أول ما طلع على الكرسي قال مش قادر أتنفس، وقبلها كان فيه مشاكل في التنفس أثناء العملية وكان بياخد أكسجين بس قولنا عادي أكيد علشان العملية".
وتابعت: "رجع البيت تعبان جدًا، مش قادر يقف، وكل ما نحاول نوقفه يطلب يقعد تاني، لحد ما وقع على الأرض وأنا بصرخ، وطرحة بابا كلها دم. قالولي دي غيبوبة وفضلوا يضحكوا عليّا".
التعب أهون من الموت
ووجهت الفتاة رسالة تحذير من عملية شفط الدهون قائلة: "أرجوكم بلاش عمليات شفط الدهون حتى لو تعبانين، التعب أهون من الموت. إحنا معانا أدلة تدين الطبيب، لكن مش هنرفع قضايا علشان بابا الله يرحمه مكانش بيحب قطع الأرزاق".
واختتمت بكلمات مؤثرة: "حسبي الله ونعم الوكيل في أي دكتور مش بيتقي ربنا أو مستهتر أو قلبه جاحد".
