الدولة مهتمة بتوفير مخزون استراتيجي من السلع الغذائية للمواطنين.. ياتري اية سر اهتمام الدولة بتوفير مخزون السلع للمواطنين.. واية فايدة المخزون ده علي الاقتصاد المصري.
توفير المخزون الاستراتيجي هدف رئيسي للدولة المصرية علي مر العصور، وفي عز ما الدولة كانت بتمر ازمات مالية ونقص في العملات الأجنبية في البنوك، الدولة برضوا كانت حريصة علي توفير السلع الاستراتيجية سواء كانت زيت أو سكر أو أرز أو حبوب زي القمح وباقي السلع للمواطنين، خصوصا أن تأمين غذاء المصريين هدف رئيسي وأساسي عند الدولة المصرية.
في الفترة اللي فاتت الحكومة بدأت توقع اتفاقيات طويلة الأجل لاستيرد المحاصيل والسلع اللي السوق المحلي بيحتاجها خصوصا محصول القمح واللي الدولة بتستورد منه اكثر من 50% من النقص المحلي لأنتاج رغيف الخبر للمواطنين خصوصا أن الدولة حريصة علي توفير رغيف العيش البلدي المدعم واللي سعره بيوصل لـ20 قرش في كل المخابر البلدية في بطاقات التموين.
طيب اية خطوات الحكومة لتأمين المخزون الاستراتيجي من السلع الغذائية للمواطنين ؟.
خطة الحكومة لاستيراد السلع الغذائية اللي بتقوم بيها الحكومة في الوقت الحالي بتعتمد علي التعاقد علي شراء كميات كبيرة خصوصا أن شراء كميات كافية من السلع والحبوب واللي بيوصل لـ20 مليون طن بيدي للحكومة قدرة تفاوضية وسعر أقل، وده اللي الحكومة بتطبيقه في الوقت الحالي خصوصا في استيراد القمح، وفي الوقت الحالي الحكومة بتكون حريصة من بدري جدا علي التعاقد علي شراء الكميات اللي هيتحاجها المواطن المصري خصوصا أن الشراء بكميات كبيرة بيجنب مصر التغيرات المتتالية اللي بتحصل في السعر العالمي، ده غير أن بيجنب الحكومة التعرض لازمات الأنتاج والتصدير.
التعاقدات الكبيرة اللي بتقوم بيها الحكومة لاستيراد الكميات اللي هيحتاجها المواطن المصري بتعتمد في المقام الأول علي توفير اماكن كويسة للتخزين وده اللي عملته الحكومة لما توسعت في بناء وتشغيل صوامع التخزين، خصوصا أنه من بداية تولي الرئيس السيسي قيادة الدولة، وهو أصدر توجيهات للحكومة بتأمين غذاء المصريين ويكون التأمين ده لفترات كبيرة متقلش عن 6 شهور علي الاقل.
بالتوازي مع خطة الدولة لتأمين النقص اللي موجود في السوق المصري من السلع، الدولة برضوا شغالة علي التوسع في الزراعة، وده اللي الحكومة بتعمله من خلال استصلاح مساحات كبيرة من الأراضي الجبلية وتحويلها لاراضي صالحة للزارعة، والاراضي دي بقت مصدر اساسي ورئيسي في انتاج غذاء المصريين، والدولة في الفترة الحالية بتستهدف الوصول بالمساحة المزروعة من الأراضي لـ 12 مليون فدان في 2030.
الدولة في الفترة اللي فاتت بدأت تعتمد علي التوسع الأفقي والرأسي في الزراعات التصديرية بهدف زيادة الصادرات الزراعية من الخضر والفواكه لـ 14 مليار دولار بحلول عام 2030، وده هيحصل من خلال زيادة إنتاجية الفدان من القمح لـ 3.3 طن فدان، والدولة بتستهدف زيادة مستويات الاكتفاء الذاتي من القمح لترتفع من 47% لـ 70% في 2030.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
