سعر صرف الدولار انخفض في العالم كله الا مصر، ياتري اية سر استمرار ارتفاع سعر صرف الدولار في مصر رغم أنه انخفض في العالم كله.. وامتي سعر الدولار هينخفض في مصر.
العالم كله في الوقت الحالي بيمر بتغيرات جيوسياسية كبيرة جدا، وعمرها ما مرت قبل كده، والسبب الرئيسي في التغيرات دي هيا الرسوم الجمركية الجديدة اللي فرضها الرئيس الأمريكي دونالد ترامب، واللي عمل ربكه في الاقتصاد العالمي كله وكانت سبب اساسي في ارتفاع اسعار السلع في العالم كله وصداها لسه موجود ومستمر علي الرغم من القرارت الأخيرة اللي صدرت من البيت الأبيض بتعليق العمل بالرسوم الجديدة لـ90 يوم كاملة.
التغيرات الاقتصادية اللي عملها الرئيس الامريكي ترامب متوقفتش علي إقرار رسوم جمركية جديدة علي كل البضائع اللي بتدخل السوق الأمريكي، ده ده كمان هدد باقالة رئيس البنك المركزي الفيدرالي الامريكي، والتهديدات دي عملت ازمة كبيرة للعملة الخضراء وسعرها انخفض بشكل كبير جدا في السوق هناك، وفي عدد كبير من المستثمرين في السوق الأمريكي بدوا يتخلصو من الدولار بسبب الأزمة الأخيرة اللي بيمر بيه، وفي عدد كبير من البنوك المركزية حوالين العالم بدوا يحولوا جزء كبير من احتياطاتهم النقدية الأجنبية لذهب خصوصا أن معدن أمن وسعره بعيد كل البعد عن المخاطرة، وكمان حقق مكاسب كبيرة خلال الايام اللي فاتت.
التحركات اللي بيقوم بيها الرئيس الأمريكي ترامب، عملت أزمة في السوق الأمريكي واثرت علي سعر صرف الدولار في العالم كله ، وسعره انخفض وبشكل كبير، وفي دول كتيرة بدأت يكون عندها تخوف من الاحتفاظ بالدولار، والدولار حاليا بيتعرض لأزمة لأول مرة تحصل من 16 سنة فاتت، ودي بتعد الأزمة الأكبر للدولار في العصر الحديث، وعلشان كده الإدارة الأمريكية بدأت تتراجع وبنسبة كبيرة عن قراراتها الاقتصادية، وقررت تعليق تطبيق الرسوم الجمركية لمدة 90 يوم، وكمان بيفكروا يجمدوا تطبيق الرسوم الجمركية علي الصين، خصوصا أن الصين عرفت ترد كويس علي القرارات الأمريكية بزيادة الرسوم الجمركية علي بضائعهم لـ104% .
طيب ليه سعر صرف الدولار في مصر مرتفع حتي الأن وامتي سعر صرف الدولار هينخفض مستقبلا ؟.
مصر في الوقت الحالي هتكون ملزمة بسداد ر قم كبير وضخم كديون وفوايدها في 2025 وهيوصل إجمالي الرقم اللي هتسدده مصر السنة دي لـ 42.3 مليار دولار، وده رقم كبير وضخم بالنسبة لمصر، خصوصا أن الإيرادات الدولارية لمصر وعلي راسهم قناة السويس حتي الوقت الحالي لسه منخفضه بسبب التوترات الجيوسياسية، ده غير التوترات الكبيرة اللي موجودة في حركة الملاحة البحرية علي طول الخط الملاحي للبحر الأحمر، وبالتالي الحكومة هتكون ملزمة بتوفير مصادر دخل دولارية إضافية علشان تكون قادرة علي سداد التزاماتها الدولية.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
