13.8 مليار يورو.. شوف تطورات الشراكة بين مصر والبنك الأوروبي وصلت لفين - غاية التعليمية

غاية التعليمية يكتُب.. يا ترى إيه طبيعة الشراكة الأخيرة بين مصر والبنك الأوروبي، هل هي عبارة عن تمويلات ولا اترجمت في صورة استثمارات، وازي البنك هيدعم الاقتصاد المصري في الفترة الجاية.

حاليا، رئيس البنك الأوروبي لإعادة الإعمار والتنمية أوديل رينو باسو، بيزور مصر، عشان يطور الشراكة المشتركة ويعزز دورها في دعم جهود التنمية.

وكانت العلاقات بين مصر والبنك الأوروبي لإعادة الإعمار والتنمية، بدأت في سنة  ١٩٩١، ساعة ما تم تأسيس البنك، ومصر بتعتبر عضو مؤسس، وفي سنة ۲۰۱۰، مصر قدمت رسميًا طلب للتحول إلى دولة عمليات، وفي مايو ۲۰۱۱، تم توسيع النطاق الجغرافي لدول عمليات البنك، عشان تصمل دول منطقة جنوب وشرق المتوسط مصر والمغرب وتونس والأردن).

وبدأ البنك الاستثمار في منطقة جنوب وشرق المتوسط في سنة ۲۰۱۲، ووقتها تم افتتاح مقر له في القاهرة وتحديدا في شهر نوفمبر ٢٠١٤ لتسهيل تنفيذ عملياته.

وفي مارس 2015، وقع البنك مع مصر إعلان نوايا مشترك، وده حصل خلال المؤتمر الاقتصادي بشرم الشيخ، عشان تتحول مصر لدولة عمليات داخل البنك في أكتوبر 2015 بعد استكمال خارطة الطريق.

ولغة الأرقام بتقول، إن إجمالي استثمارات البنك من ساعة ما بدأ عملياته في مصر، وصلت ل 13.8 مليار يورو لحد دلوقتي، وكمان بيوصل إجمالي المشروعات ل 194 مشروع، وبيستحوذ القطاع الخاص على أكثر من 86% من المحفظة الاستثمارية للبنك، عشان كده البنك بيعتبر من أكبر بنوك التنمية متعددة الأطراف الداعمة للقطاع الخاص المحلي والأجنبي في مصر.

وبتتوزع محفظة استثمارات البنك الأوروبي لإعادة الإعمار والتنمية في مصر، كالتالي: 61% لقطاع المؤسسات المالية، و23% البنية التحتية المستدامة، و16% لقطاع تمويل الشركات.

أما بقى أنشطة البنك الأوروبي لإعادة الإعمار والتنمية في مصر، فهي بتكون في مجالات تحسين ظروف الاستثمار للقطاع الخاص مع التركيز بشكل خاص على المشاريع الصغيرة والمتوسطة، وكمان تحسين تجارة المنتجات الزراعية لضمان الأمن الغذائي، ومش بس كده لأ ده كمان بيمول مشروعات تحديث القطاع المالي للمساهمة في النمو الاقتصادي من خلال تعزيز قدرات القطاع المالي.

كل ده بجانب زيادة الاستثمارات في قطاع الطاقة النظيفة والمتجددة وتحسين كفاءة الطاقة عشان يدعم أمن الطاقة، وكمان يدعم الإصلاح في قطاع النقل والبنية الاساسية، زي استثمار القطاع الخاص في البنية الاساسية، وتطوير وتوسيع البنية الأساسية وتزويد الناس بخدمات أفضل في المناطق الحضرية.

ونقدر نقول إن الاستراتيجية الجديدة للبنك في مصر بتركز دلوقتي على 3 محاور أساسية، وهي؛ المحور الأول: دعم جهود الدولة لتحقيق نمو اقتصادي شامل ومستدام، والمحور الثاني تسريع التحول الاقتصادي الأخضر، والمحور الثالث هو تعزيز التنافسية وزيادة معدلات النمو وتعزيز دور القطاع الخاص.

مع تنفيذ تلك الاستراتيجية دي وفي ظل الإصلاحات الهيكلية والاقتصادية البي بتنفذها الحكومة المصرية دلوقتي، انعكس كل ده على زيادة حجم استثمارات البنك الأوروبي لإعادة الإعمار والتنمية في مصر، عشان تيجي مصر في سنة 2024 على رأس ترتيب دول منطقة جنوب وشرق المتوسط كأكبر دولة عمليات للبنك الأوروبي لإعادة الإعمار والتنمية.

ووصل حجم استثمارات البنك خلال سنة 2014، حوالي 1.5 مليار يورو في 26 مشروع، وتم توجيه 98%  للقطاع الخاص، عشان يكون البنك الأوروبي شريك أساسي في التنمية في مصر.